Првата вселенска мисија на Туркије со екипаж ќе го започне своето патешествие на 18 јануари

АНКАРА (АА) – Првата вселенска мисија на Туркије со екипаж ќе замине за Меѓународната вселенска станица во 1:11 часот по локално време на 18 јануари, соопшти денес турскиот министер за индустрија и технологија Мехмет Фатих Каџар, јавува Анадолу.

Полковникот Алпер Гезеравџи со екипажот на мисијата „Аксиом 3“ (Ax-3) ќе тргне кон Меѓународната вселенска станица, истакна турскиот министер Каџир на платформата X.

„Оваа историска мисија ќе биде одличен извор на инспирација за идните генерации, како и важна пресвртна точка во вселенските научни истражувања на Туркије“, нагласи Каџир.

Екипажот на Ах-3 ќе полета со ракетата „Фалкон 9“ на „Спејс Икс“ во вселенското летало „Драгон“ од Вселенскиот центар „Кенеди“ на НАСА во Флорида.

Се очекува вселенското летало со екипажот да се припои на Меѓународната вселенска станица на 19 јануари во 13:15 часот.

Посебен печат и плик се дизајнирани од страна на Турската вселенска агенција (TUA) и ПТТ, дирекцијата на национални пошти и телеграф, за првата вселенска мисија на Туркије со екипаж, во кои Гезеравџи го подига турското знаме во вселената.

Печатот содржи различни симболи, секој со посебно значење за ова значајно патување, меѓу кои и силуета на Гезеравџи со лепенка од турското знаме на неговото рамо.

Туркије го избра Гезеравџи, пилот на Ф-16 во Турските воздухопловни сили, како прв вселенски патник од Туркије минатата година за време на големиот технолошки настан ТЕХНОФЕСТ.

Турската вселенска агенција е основана во 2018 година и ја објави својата вселенска програма во 2019 година, како и намерата да испрати мисија со екипаж во вселената.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).