Постар човек почина од вирусот АКПВ, познат и како „вирусот на сипаници од Алјаска“. Тоа е прва потврдена смрт од новооткриениот вирус, соопштија здравствените власти на Алјаска.
Пациентот бил хоспитализиран во ноември минатата година, а починал кон крајот на јануари, пишува Гардијан.
Како што се додава, пациентот бил веќе болен од карцином, поради што имал ослабен имунолошки систем, а се верува дека вирусот го добил од мачка скитник. Иако тестовите на мачката биле негативни, се вели дека вирусот можел да биде присутен под канџите на животното.
Симптомите на вирусот може да вклучуваат осип, отечени лимфни јазли и болки во зглобовите или мускулите.
Покрај најновиот, уште шест случаи на вирусот биле пријавени кај здравствените власти на Алјаска откако првпат беше пријавен во 2015 година, а сите случаи се во областа Фербенкс, која е на повеќе од 300 милји од полуостровот Кенаи.
Претходно пријавените случаи на сипаници од Алјаска имале благи симптоми и закрепнале без хоспитализација.
Не е јасно како се пренесува AKPV, но истражувачите веруваат дека може да се пренесе од животните на луѓето.
Иако досега не се документирани случаи на пренос на вирусот на сипаници од Алјаска од човек на човек, здравствените власти им препорачаа на луѓето темелно да ги мијат рацете, да не ја делат облеката со други и да ја мијат облеката и постелнината на болните одвоено од други.
Извор: alsat.mk
