Спектакуларно започна првата вечер на Евровизија 2025. Презентери на Евровизија 2025 се Хејзел Бругер и Сандра Студер. Хејзел е швајцарско-американска поетеса, а Сандра е швајцарска ТВ водителка и пејачка, која ја претставуваше Швајцарија на натпреварот во 1991 година и го зазеде петтото место со песната „Песна за тебе“ и како што се почегува на своја сметка рече дека Швајцарија сака ги рециклира старите работи.
Првата вечер на овогодинешната Евровизија ќе биде на тема „Онаму каде што започна се“, како почит на родното место на Евровизија, Швајцарија, ана првата вечер настапија 15 земји од кои само 10 ќе одат во големото финале. Шпанија и Италија, како и домаќинот Швајцарија, се меѓу земјите чии претставници ќе изведуваат песни, но како дел од големата „евровизиска петорка“ директно се пласираат во финалето.
На сцената први настапија претставниците на Исланд. По нив следуваа Полска, Словенија, Естонија, Шпанија, Украина, Шведска, Португалија, Норвешка, Белкија, Италија, Азербејџан, Сан Марино, Албанија, Холандија, Хрватска, Швајцарија и Кипар. Годинава дел од учесниците решија да пеат на мајчиниот јазик.
Директно во финалето в сабота се пласираа Франција, Шпанија, Германија, Велика Британија, Италија и домаќинот Швајцарија.
Евровизија и оваа година не помина без скандал. Во неделата во Базел се одржаа протести против учеството на Израел на натпреварот. Израелскиот радиодифузер „Кан“ денес поднесе пријава до полицијата во Базел во врска со наводни закани со смрт кон израелската претставничка Јувал Рафаел. За време на доаѓањето на сите претставници на тиркизниот тепих, таа Јувал беше пречекана со исвиркувања, а на видео снимено од член на израелската делегација, се гледа како еден човек мавта со палестинско знаме и покажува палец надолу, а потоа го поминува прстот низ грлото и плука.
Со контраверни наслови на песни, стихови и пред се облека во која настапија изведувачите, заврши првото полуфинале на Евровизија. Додека траеше гласањето водителската двојка, заедно со минатогодишната водителка на Евровизија Петра Меде, направија вистинска спектакл и преку песна ја потсетија публиката на сите светски пронајдоци кои водат потекло од Швајцарија, а како народниот херој Вилијам Тел се појави Петра Меде. Беа презентирани и неколку необични музички рекоди низ минатогодишните евровизии, песни кои не победиле, но биле најстримувани на јутуб.
Преку видео порака се обрати светската ѕвезда Селин Дион која победи во 1988, претставувајќи ја Швајцарија во Даблин Ирска со песната „Не заминувај без мене“ и од каде започна нејзината светска кариера.
Во финалето в сабота се пласираа Норвешка, Албанија, Шведска, Исланд, Холандија, Полска, Сан Марино, Естонија, Португалија и Украина. Од балканските земји, годинава Хрватска и Словенија не се пласираа во големото финале.
Извор: 24vesti.mk
