Промоција на автобиографијата на големиот шпански режисер Луис Буњуел „Мојот последен здив“ во Кинотека

March 22, 2023
1 min read

Кинотеката во среда, на 29 март, во 12 ч. во киносалата ќе го промовира своето најново печатено издание, автобиографијата на големиот шпански режисер Луис Буњуел, насловена „Мојот последен здив“, со што ова значајно дело конечно ќе стане достапно на македонски јазик.

Издавањето на книгата е овозможено благодарение на Шпанската агенција за меѓународна соработка и развој (AECID) и Амбасадата на Кралството Шпанија во Република Македонија.

Се работи за книга на еден од најзначајните режисери во историјата на филмската уметност, напишана пред самиот крај на неговиот живот, во Мексико, со помош на францускиот писател и сценарист Жан-Клод Кариер, негов постојан соработник, косценарист на сите филмови од последната, „француска“ етапа во кариерата. Автобиографијата, која е поделена на дваесетина хронолошки подредени поглавја одделени со наслови, првпат е објавена на француски јазик, во Париз, во 1982 г., нецела година пред смртта на Буњуел. Она што е специфика на оваа автобиографија е тоа што во неа Буњуел многу често употребува множина, како да зборува во името на целата своја генерација, онаа генерација што студирала на универзитетот во Мадрид во 1927 г., или генерацијата на надреалистите во Париз, неколку години подоцна или генерацијата на републиканците во времето на Граѓанската војна. Се разбира, тоа не е случајно затоа што оваа книга, иако е лична исповед на еден исклучителен човек, на еден голем уметник, истовремено претставува и многу интересно документаристичко и историско сведоштво за цела една епоха, која се протега речиси преку целиот XX век. Во неа постојано се испреплетуваат исечоците од животот и сеќавањата на драматичните историски настани, со сеќавањата поврзани со творештвото, со филмовите – со еден збор, во неа, разбирливо, постојано се испреплетуваат животот и филмот, пишува д-р Атанас Чупоски во предговорот на изданието.

Книгата ќе ја промовираат историчарот на уметност и заменик-амбасадор во Шпанската амбасада во Скопје – Ернесто Eредеро дел Кампо, проф. д-р Иван Џепароски од Филозофскиот факултет при УКИМ и доц. д-р Атанас Чупоски, советник филмолог во Кинотеката и професор на Факултетот за филмски уметности при Универзитетот Еуропа Прима, кој воедно е автор на предговорот.

Уредник на изданието е директорот на Кинотеката, Владимир Љ. Ангелов, преводот од англиски јазик е на Марија Цветковска, лектурата на д-р Сузана В. Спасовска, а дизајнот на м-р Игор Сековски.

Инаку, ова е само едно во низата изданија што Кинотеката ги објави последниве месеци, меѓу кои се веќе промовираната филмолошко-наратолошката студија на Атанас Чупоски – „Иницијација и Покајание. Доминантни топоси во наративниот дискурс на современиот руски филм“ и филмолошката студија на реномираната бугарско-британска историчарка на филмот Дина Јорданова – „Кинематографијата на другата Европа. Дејноста и уметноста на источноевропскиот и средноевропскиот филм“, која наскоро ќе биде промовирана заедно со стручното списание за филм што Кинотеката редовно го објавува – „Кинопис“.

Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

ИЗВОР: republika.mk

VERO JUMBO MACEDONIA

EVN MACEDONIA

MARKETING

Претходно

Возот од Скопје до Велес ќе вози со ограничена брзина од 20 километри на час

Следно

Русија отвори кривична истрага против судот во Хаг

Latest from Blog

Ѓорѓиевски: Жителите на Расадник наскоро ќе добијат современа поликлиника

Кандидатот за градоначалник на Скопје од ВМРО-ДПМНЕ, Орце Ѓорѓиевски, денес најави изградба на нова поликлиника во населбата Расадник, општина Кисела Вода, проект што долго време беше меѓу најголемите приоритети на жителите. Новата

Тухел удри по навивачите: Какви навивачи се тоа кога половина час ги слушавме само Велшаните!?

фото: Fearless In Devotion | WREXHAM AFC podcast (X) Селекторот на англиската фудбалска репрезентација, Томас Тухел ги критикуваше англиските навивачи за нивната недоволна поддршка на вчерашниот контролен натпревар со Велс. Англичаните одиграа

Реките на Македонија: Спиечки џин за енергетска стабилност

Европа ита да се ослободи од зависноста од фосилни горива. Стратешки ги постави новите патишта кон енергетска стабилност, каде што во добар дел фокусот е на искористување на хидропотенцијалот во европските држави. Потенцијал кој Македонија сè уште го чува како една од најголемите неискористени можности.

Зеленски: Русија ја таргетираше инфраструктурата, повеќе од 20 повредени, едно дете убиено во Запорожје

Претседателот на Украина, Володимир Зеленски, изјави дека синоќа Русија лансирала повеќе од 30 ракети и над 450 дронови кон витална инфраструктура во Украина. Според него, повеќе од 20 лица се повредени, а
Go toTop