Екипите на ЈП “Улици и патишта” – Скопје секојдневно ја одржуваат вертикалната и хоризонтална сигнализација на главните улици и булевари во град Скопје.
Тие во изминатиот месец на булеварот Кузман Јосифовски Питу и на улицата Тодор Александров ја обележаа хоризонталната сигнализација на вкупна површина од 1.580 квадратни метри, машински и рачно.
Додека пак на повеќе градски сообраќајници ја обновија вертикалната сигнализација со нови 50 сообраќајни знаци и санираа околу 30тина сообраќајни знаци.
– Редовното одржување на сообраќајната сигнализација продолжува и во наредниот период, оштетените сообраќајни знаци се заменуваат со нови, а во зависност од временските услови се бележат градските улици и булевари според однапред утврдената динамика од Град Скопје, информира претпријатието.
ИЗВОР: skopjeinfo.mk
