Вишиот суд во Нови Сад им го продолжи притворот за 30 денови на осомничените во истрагата за уривањето на настрешница на железничката станица во Нови Сад на 1 ноември, јави дописникот на МИА од Белград.
Продолжен е и куќниот притвор на двајца осомничени.
На крајот на минатата година беше поднесен обвинителен акт против 13 лица.
Покрај тие десет, во домашен притвор се двае осомничени, од кои едната е поранешната в.д. генерален директор на „Инфраструктура на Железница на Србија“ Јелена Танасковиќ како и Анита Димоски, помошник-министерка за градежништво, транспорт и инфраструктура од Секторот за железници и интермодален транспорт.
Поранешниот министер за градежништво Горан Весиќ се брани од слобода, по неколку дена минати во притвор, судот му го укина притворот прифаќајќи ја жалбата на неговиот бранител.
Одлуката за куќен притвор на двајцата осомничени се носи во траење од три месеци.
Случајот се води со обвиненија за сомневања за тешко кривично дело против општата безбедност во врска со кривичното дело предизвикување јавна опасност како и сомневања за сторено тешко кривично дело против општата сигурност во врска со кривичното дело непрописно и неправилно изведување градежни работи.
Во уривање на настрешница на железничката станица во Нови Сад на 1 ноември загинаа 16 лица, а едно лице беше тешко повредено.Тие се обвинети во предмет пред Вишото јавно обвинителство во Нови Сад, додека Обвинителството за организиран криминал во Белград води посебен предмет со други осомничени. (МИА)
Извор: kurir.mk
