Дејан Проданоски, кандидат за градоначалник на општина Прилеп, ја истакна важноста на пчеларите и медарите, кои со својата посветеност го чуваат најчистиот дел од природата. Тој зборуваше за предизвиците со кои се соочуваат пчеларите, но и за огромното значење на нивната работа за здравјето, екологијата и локалната економија.
Проданоски истакна дека традиционално во Прилеп се одржува Фестивалот на медот, настан кој ги обединува пчеларите и ја промовира вредноста на нивниот труд. „Како локална самоуправа, ќе продолжиме да ја поддржуваме оваа манифестација, да создадеме подобри услови за пчеларите и да го поттикнуваме производството на здрави и квалитетни локални производи“, рече тој.
Тој додаде дека пчелата е симбол на труд, ред и заедништво – вредности кои, според него, сите треба да ги негуваат во Прилеп.
