Приведено е лицето осомничено за нападот со нож во Германија

БЕРЛИН (АА) – Херберт Реул, министер за внатрешни работи на германската сојузна покраина Северна Рајна Вестфалија, во програмата „Тагестемен“ на јавниот радиодифузен сервис АРД информираше дека е приведен осомничениот за нападот на фестивалот во градот Солинген, пренесува Анадолу.

„Лицето што навистина го бараме од неодамна е во притвор. Ова е лице во кое многу се сомневаме, но ова треба да се испита сега“, рече министерот Реул.

Наведувајќи дека голем број луѓе биле прислушувани и биле собрани информации пред да се спроведе приведувањето, министерот Реул истакна: „Најдовме не само индиции, туку и докази за ова лице“.

Според веста на германската новинска агенција ДПА, базирана од информациите на портпаролот на Министерството за внатрешни работи на сојузната покраина Северна Рајна Вестфалија, осомничениот ѝ се предал на полицијата.

Во градот Солинген 3 лица ги загубија животите, а 8 беа повредени, од кои 4 потешко, во нападот со нож на „Фестивалот на различностите“ што се одржа во петокот на 23 август по повод 650-годишнината од градот.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.