Годишниот план за 2025 година за финансирање специјалистичкo-консултативна здравствена заштита во приватните и јавните здравствени установи ќе биде презентиран денеска во просториите на Фондот за здравствено осигурување во Скопје.
– Фондот за здравствено осигурување, како најголем финансиер и купувач на здравствени услуги, оваа година обезбеди најголемо досегашно финансирање за здравствените установи, информираат од ФЗО.
Според најавата, ќе се презентираат деталите за финансискиот план, распределбата на средствата и очекуваните придобивки за здравствениот систем и граѓаните.
Предвидено е и присуство на претставници на Комората на приватното здравство.
ИЗВОР: racin.mk
