ИСТАНБУЛ (АА) – Претседателот на Туркије, Реџеп Таип Ердоган, телефонски разговараше со претседателот на Соединетите Американски Држави (САД), Доналд Трамп, известува Анадолу.
Според објавата споделена на социјалните мрежи од профилот на Дирекцијата за комуникации на турското Претседателство, тие зборувале за билатералните односи меѓу Туркије и САД, како и за регионалните и глобалните прашања.
Во текот на разговорот претседателот Ердоган изразил целосна верба дека во новиот период (по стапувањето на Трамп на функцијата претседател на САД) Туркије и САД, како два сојузника, солидаризирајќи се, ќе ја унапредат соработката ориентирана кон резултати и на искрен начин.
Истакнувајќи дека поради регионалните и глобалните случувања потребни се зголемени консултации меѓу Туркије и САД за сите прашања, Ердоган рекол дека ги поддржуваат решителните и директните иницијативни чекори на американскиот претседател Трамп за ставање крај на војната меѓу Русија и Украина и дека Туркије од почетокот на војната се стреми кон праведен и траен мир и дека ќе продолжи да го прави тоа.
Турскиот претседател истакнал дека е важно заедно да придонесат за враќање на стабилноста во Сирија, функционирање на новата администрација и укинување на санкциите кон Сирија за нејзина нормализација, што ќе им овозможи на Сиријците да се вратат во својата татковина.
Претседателот Ердоган истакнал дека во новиот период од САД се очекуваат чекори во однос на борбата против тероризмот со разбирање што ќе ги зема предвид интересите на Туркије, неопходноста да се прекинат санкциите на CAATSA, потребата од финализирање на процесот на набавка на авионите Ф-16 и неопходноста за финализирање на прашањата за повторното влегување на Туркије во програмата Ф-35, со цел да се развие соработката меѓу двете земји во областа на одбраната.
Извор: Anadolu Agency (AA)
