Преку 500 семејства живеат на раб на егзистенција во Охрид. Имаат потреба од храна, облека, лекови, не можат да ги платат сметките за струја и вода па помош бараат од Црвениот крст.
Волонтерите редовно ги посетуваат ранливите граѓани се со цел да им го олеснат секојдневието. Но оваа бројка не е константна бидејќи има многу граѓани кои едвај крпат крај со крај, а се срамат да се обратат за помош велат од Црвениот крст.
Како што надоаѓа студот се повеќе се бара и огрев.Точков вели се помага максимално, но за жал се среќавале и со случаи каде помошта се злоупотребувала. Во моментов во пунктот на Црвениот крст од Охрид има доволно облека па апелират сите кои имаат потреба од топла гардероба да дојдат и да ја подигнат.
Поголема во моментов е потребата од донирање на храна, прехрамбени производи хигински препарати, финансии и огрев кои подоцна ќе завршат во семјествата каде што се најпотребни.
Извор: 24vesti.mk
