Вештачењето на телефонот на 13-годишното момче Коста К., кое уби осум ученици и чуварот на училиштето „Владислав Рибникар“ во Белград, покажало дека тој истражувал како да избегне затвор, објави српски „Блиц“. Повикувајќи се на извори од истрагата, медиумот пренесува дека момчето на интернет го пребарувало Кривичниот законик во Србија и се интересирало дали малолетници можат кривично да одговараат.
„Врз основа на истрагата, се заклучува дека нападот на училиштето го организирал сега бидејќи знаел дека до 14-от роденден има нешто повеќе од два месеци и дека му останувало уште толку време да не биде кривично одговорен ако го изврши злосторството“,
пренесува Блиц, повикувајќи се на добро упатени извори од истрагата.
Исто така, како што пренесуваат српските медиуми, утврдено е дека К.К. ноќта пред масовното убиство гледал филм за масакр во училиште во САД.
Како што претходно соопшти полицијата, осомничениот го планирал убиството повеќе од еден месец, а при претресот беа најдени списоци и планови за тоа како да го изврши масакрот во училиштето.
Извор: 360stepeni.mk
