Пратенички прашања, власта и опозицијата во клинч за блокираната евроинтеграција на земјава

Кој е планот на Владата и како планира Христијан Мицкоски да ги деблокира македонските евроинтеграции- го праша премиерот лидерот на СДСМ Венко Филипче на денешната седница за пратенички прашања. Според Филипче Мицкоски треба да одговори  и кој му дала мандат да преговара за македонскиот јазик и идентитет. Прашања кои како што тврди лидерот на СДСМ Венко Филипче неговата партија ги затворила со преговарачката рамка. Мицкоски со контрааргументи, ако СДСМ испреговарала добри позиции за Македонија тогаш немаше сред Брисел да ни се случи бугарски амандман кој го негира македонскиот јазик. Побара од опозицијата да лобира пред  клучното гласање во Европскиот парламент.