Познат идентитетот на загинатите во терористичкиот напад во Анкара

АНКАРА (АА) – Познат е идентитетот на загинатите во денешниот терористички напад на објектот на Турската воздухопловна и вселенска индустрија (ТУСАШ) во Анкара, главниот град на Туркије, известува Анадолу.

Во терористичкиот напад е убиен Џенгиз Џошкун, кој работел како офицер за контрола на квалитетот во ТУСАШ, инженерката по машинство Захиде Ѓучлу, вработениот Хасан Хусеин Џанбаз, службеникот за безбедност Атакан Шахин Ердоган и таксистот Мурат Арслан.

22 повредени лица се лекуваат во различни болници.

Загинатата Захиде Ѓучлу отишла до влезот на објектот за да прими цвеќе испратено од нејзиниот сопруг во моментот кога се случил нападот.

Терористите го убиле таксистот Мурат Арслан откако влегле во неговото возило, а потоа неговото тело го сокриле во багажникот на возилото.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.