Пожарот во струмичко е ставен под целосна контрола, нема опасност по населени места ниту по околните викендици, соопшти вечерва Директорот на центарот за управување со кризи Стојанче Ангелов.
Градоначалникот на Струмица, Костадин Костадинов на фејсбук пак напиша дека пожарот од струмичка страна е локализиран и нема повеќе опасност за куќите во Баница.
– Благодарност до екипата на ТППЕ и секој струмички пожарникар и до сите кои се вклучија во гаснењето. Пред неколку недели реков дека ги знаеме и дека ги гониме оние кои подметнуваат пожари. Лично ќе се заложам до крај сите да одговараат“, напиша Костадинов.
Извор: 24vesti.mk
