Попладнево избувна пожар на тешко пристапен терен во близина на македонско-бугарската граница односно меѓу селата Моштица и Саса.
„На лице место сме, пожарот е на граничната линија со Република Бугарија меѓу селата Саса и Моштица. Во акцијата за гаснење учествуваме четири луѓе од Територијалната противпожарна единица од Македонска Каменица, двајца вработени од Шумското стопанство и двајца од Граничната полиција“, информира Александар Јовановски.
Како што вели, екипите остануваат на терен.
„Во пожарот е зафатена сува трева, а среќна околност е што во близина има снег. Да се надеваме дека пожарот ќе се стабилизира, односно нема да се прошири“, додава Јовановски.
ИЗВОР: ТВ 21
