Попладнево на автопатот Скопје-Тетово, во близина на селото Групчин, избувнал пожар во товарно моторно возило „Рено“ со гостиварски регистарски таблички.
Според информациите, камионот се запалил при движење, при што возачот бил повреден и пренесен во болница.
Според портпаролот на СВР Тетово, Томислав Наумовски, во 20:00 часот било пријавено дека во близина на Добарски мост било опожарено товарното возило управувано од Б.М. (32). Повредениот возач бил веднаш транспортиран со возило на Брза помош во Клиничката болница Тетово.
Благодарение на брзата реакција на Територијалната противпожарна единица Тетово, пожарот бил изгаснат. На терен интервенирале пет пожарникари со две возила – едно специјализирано теренско возило и еден камион.
Командирот на тетовската противпожарна служба, Авни Амети, изјави дека интервенцијата започнала веднаш по пријавата во 19:55 часот. Полицијата од Тетово веќе започнала увид на местото за да утврди како дошло до пожарот.
ИЗВОР: ТВ 21
