Една недела по несреќата откако се урна надстрешницана на железничката станица во Нови Сад и загинаа 14 луѓе. Тројцата пациенти пак кои се тешко повредени сè уште се борат за живот.
Иако кај двајца пациенти се забележани мали промени во стабилноста, директорката на клиничкиот центар Војбодина Весна Туркулов изјави дека нивната состојба и натаму е критична бидејки може да дојде до брзи промени.
– Од моментот на прием во Ургентниот центар, едно лице е реанимирано, поради што нејзината состојба е нешто полоша од другите две, но сите се уште се животно загрозени и нестабилни“, изјави Туркулов, наведувајќи дека овие се сериозни повреди кои вклучуваат внатрешни повреди, крварење и модринки на ткивото поради затрупувањето од тешкиот товар.
Српскиот премиер пак Милош Вучевиќ оцени дека обвинителите и експертите кои го истражуваат падот на настрешницата на Железничката станица во Нови Сад ќе имаат тешка работа.
– Јавноста е преплавена со различни мислења и заклучоци за несреќата, но дека судот мора да се води според доказите. Мораме да утврдиме што доведе до уривање на зградата. Ова треба да го добиеме како конечен одговор. – Милош Вучевиќ премиер на Србија.
Околу десет луѓе се уапсени за време на протестот во Нови Сад, се вели во заедничкото соопштение на Вишото и јавното обвинителството во Нови Сад, во кое пишува и дека се сторени неколку кривични дела. Меѓу приведените е и Миша Бачулов, советник од граѓанското здружение „Биди херој“. Според премиерот протетстите на револтираните граѓани биле добро и детално испланирани и дека 90 посто од луѓето го напуштиле собирот во кој граѓаните го демолираа и Градското собрание.
– Најголем број луѓе се собраа поради тага, а помала група го злоупотреби собирот. Кога почна нападот на Градското собрание, 90 проценти од луѓето го напуштија собирот.“ – Милош Вучевиќ премиер на Србија.
По несреќата во Нови Сад политичка одговорност презеде министерот за градежништво транспорт и инфраструктура Горан Весиќ.
Извор: 24vesti.mk
