МУГЛА (АА) – Во градот Бодрум, во турската област Мугла, изведена е манифестација по повод 750-годишнината од смртта на познатиот суфиски мистик, поет и теолог Мевлана Џелалудин Руми, јавува Анадолу.
На манифестацијата настапи суфиски музички ансамбл од Конја, а беше изведен и танцот сема.
Во рамките на програмата особено беа истакнати пораките за љубов и мир на Мевлана.
На манифестацијата присуствуваа официјални лица на градот и голем број граѓани.
Низ цела Туркије и пошироко се одржуваат меѓународни манифестации за комеморација по повод 750-годишнината од смртта на Мевлана Џелалудин Руми.
Познатиот суфиски мистик, поет и теолог Руми почина на 17 декември 1273 година, а во овој период традиционално се организира во Конја свечената манифестација Шеб-и Арус.
Мевлана Џелалудин Руми беше суфиски поет познат во светот како Руми. Живееше во 13 век и се смета за еден од најголемите суфиски поети и филозофи на светот.
Поради неговите дела кои беа инспирација за целиот свет, Руми беше сакан и почитуван од припадниците на сите религии.
Руми беше исламски поет, филозоф, правник, учител, теолог и суфиски мистик, но беше и многу повеќе од тоа. Со својот пример го претставуваше животниот поредок и веруваше во „вистинската суштина“.
Руми, кој беше отворен за секого, без разлика на религиската припадност, стана симбол на еднаквост во светот во секоја смисла. По повод годишнината од 800-тиот роденден на Мевлана, УНЕСКО ја прогласи 2007 година за Меѓународна година на Руми.
Извор: www.aa.com.tr