реклама
Постои ризик Тетово да остане без вода за пиење. Недостигот од дожд и снег од една страна, а од другата страна заматеноста на водата од изворите на Лешница, предизвикаа градот да има околу 140 литри вода во секунда помалку од потребното за да се задоволат барањата на градот. Изворите на Лешница се 10 пати позагадени од дозволеното ниво.
„Моментално нивото на загадување е 14, што е надвор од нормала, тоа е приближно 10 пати. Обврзани сме да ги исклучиме изворите на Лешница и сме обврзани да се снабдиме од старите извори кои реално се многу малку и има многу малку вода“, вели Лулзим Шаќири.
реклама
Активирани се и алтернативните извори велат од јавното претпријатие, но количината на вода и понатаму не е повеќе од 220 литри вода во секунда, нешто што предизвика чешмите во градот Тетово денеска да останат без вода.
„Имаме недостиг на околу 140 литри вода во секунда. Со исклучување на системот на Лешница од употреба, ние изгубивме 140 литри, а тоа е потребната количина за градот. Моментално имаме вкупно 220 литри од сите извори. Рестрикцијата е најтешката форма која треба да ја преземеме бидејќи се соочуваме со застарен систем и по секое запирање на водата се појавуваат големи дефекти, затоа и не ја запираме бидејќи за 10 часа од чистењето на системот губиме многу и затоа е нелогично. Најмногу ќе настрадаат горните делови на градот, или периферниот дел, иако се обидуваме да имаме снабдување барем да ги полниме резервоарите, но реално ќе настрада целиот град“, додаде Лулзим Шаќири.
реклама
Од друга страна, од општина Тетово пред две години најави физибилити студија за проект за долгорочно решавање на проблемот со водата, но до овој момент нема конкретен чекор во оваа насока.
реклама
