Општина Чаир започна со поставување подземни контејнери за отпад, проект кој има за цел да воведе повисоки стандарди за урбана хигиена и уредување на јавниот простор.
Како што информира градоначалникот Изет Меџити, денеска во населбата Фуше Топана е промовирана шестата локација со подземни контејнери, поставени во соработка со директорот на ЈП „Комунална хигиена“, Драги Митковски.
Досега се поставени контејнери на пет локации, при што секоја содржи по три подземни садови за отпад. Со новата поставка, во општината моментално функционираат 15 подземни контејнери.
Од општината најавуваат дека до крајот на годината системот ќе биде проширен на вкупно 15 локации, со повеќе од 50 подземни контејнери во употреба.
Според Меџити, новиот систем ќе значи помалку отпад на улиците, намалени непријатни мириси, повеќе простор за пешаците и почиста животна средина за жителите.
„Чаир добива нов изглед и се движиме кон европски стандарди со инвестиции што се гледаат и резултати што се чувствуваат секојдневно“, порача градоначалникот.
Извор: zurnal.mk
