Пад на температурите и дестабилизација на времето со дожд и грмежи најавуваат метеролозите на следните неколку дена.
Утре времето ќе биде променливо облачно, на повеќе места особено попладне и во вечерните часови ќе биде нестабилно со пороен дожд, грмежи и засилен ветер. Локално процесите ќе бидат и во форма на невреме, со интензивен пороен дожд, силен ветер и услови за појава на град, Врнежите ќе продолжат и преку ноќта и ќе бидат пообилни во западните делови.
Во Скопје променливо облачно, попладне и во вечерните часови нестабилно со пороен дожд и грмежи, во делови од котлината со услови за појава на невреме. Врнежите ќе продолжат и преку ноќта.
Во понеделник времето ќе биде променливо облачно со повремени врнежи од дожд, наместа поројни и проследени со грмежи, особено во западните делови. Ќе дува слаб до умерен, повремено засилен ветер претежно од североисточен правец.
Во вторник следува стабилизација на времето. Сончево со мала до умерена облачност. Ќе дува слаб до умерен, североисточен ветер кој краткотрајно ќе засилува.
ИЗВОР: skopjeinfo.mk
