Поранешен косовски министер осуден за доделување дополнителни средства на „Бехтел и Енка“ за изградба на автопат во Косово

Ексминистерот за инфраструктура Пал Лекај е осуден на три години и осум месеци затвор за случајот со доделувањето дополнителни 53 милиони евра на американско-турскиот конзорциум „Бехтел-Енка“ за изградба на автопатот „Арбен Џафери“ кој ги поврзува Косово и Македонија.

Ексминистерот е осуден за злоупотреба на службената положба и намерно оштетување на државниот буџет. Освен на затворска казна, Лекај е осуден и на дополнителна казна со која му се забранува да врши јавни функции во јавната администрација во времетраење од три и пол години. Во своите прелиминарни сведочења, сите обвинети се изјаснија за невини.