Поради магла, во Ресен и на планинскиот превој Ѓавато видливоста е намалена до 50 метри

Интензитетот на сообраќај на патните правци надвор од градските средини е умерен, а на граничните премини, од македонска страна, нема подолги задржувања за влез и за излез од државата, информираат од АМСМ

Поради магла намалена е видловоста до 50 метри на патиштата во Ресен и на планинскиот превој Ѓавато, информираат од Автомото сојузот на Македонија (АМСМ).

Сообраќајот на државните патишта, велат оттаму, се одвива непречено, по наместа влажни коловози.

Интензитетот на сообраќај на патните правци надвор од градските средини е умерен, а на граничните премини, од македонска страна, нема подолги задржувања за влез и за излез од државата.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.

Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.