Граничните премини меѓу Полска и Белорусија ќе бидат повторно отворени во среда на полноќ, изјави вчера полскиот премиер Доналд Туск.
Полска ја затвори својата граница со Белорусија овој месец поради воените вежби предводени од Русија во Белорусија.
Загриженоста во Полска, членка на НАТО и Европската Унија, во врска со воените игри „Запад“ се интензивираше кога руски дрон влезе во нејзиниот воздушен простор околу 21 часот во ноќта меѓу 9 и 10 септември.
„Крајот на овие вежби ги намалува, иако не можам да кажам дека целосно ги елиминира, разните закани, а земајќи ги предвид економските интереси на полските превозници и железници, заклучивме дека оваа мерка ја исполнила својата цел“, изјави Туск пред владата.
„Доколку тензиите се зголемат, нема да се двоумиме и ќе донесеме соодветни одлуки“, предупреди полскиот премиер.
Извор: tv21
