По вооружениот инцидент што се случи во понеделникот, општина Арачиново денеска за прв пат ги отвори вратите за граѓаните. Од безбедносни причини, полициските сили од стратот на работниот ден се во дворот на оваа општина.
Граѓаните зад камерите не информираа дека услугите ги добиваат без проблем, но има зголемени контроли при влезот во објектот.
Општина Арачиново не работеше два дена, и ова не е првпат да ги затвори вратите од безбедносни причини. Минатата година општината беше затворена неколку дена, поради закани по живот на градоначалникот и вработените во општината.
Нема нови случувања околу лицето кое пукаше со калашников во правец на градоначалникот Ридван Ибрахими при што беа повредени неговиот возач и вработен во општината. Од полицијата и денеска накратко ни соопштија дека работат на расчистување на случајот, но напаѓачот и понатаму останува на слобода. Техничкиот министер за внатрешни работи вчера изјави дека вчера биле уапсени две лица за кои постои сомневање дека се поврзани со настаните во Арачиново, но во меѓувреме било констатирано дека еден од нив не е поврзан со случајот, без да прецизира дали другото лице било или не вклучено.
Ајнур Бафќари
Извор: alsat.mk
