„Погрешна е злоупотребува на спортот во дневнополитички цели“

ИСТАНБУЛ (АА) – Претседателот на Туркије, Реџеп Таип Ердоган, синоќа се огласи по повод одложувањето на натпреварот Галатасарај – Фенербахче што требаше да се одигра во петокот во Ријад, главниот град на Саудиска Арбија, порачувајќи дека не може да се дозволи настанатиот инцидент да се извлече од контекст и да се користи како материјал за шоу и провокации, известува Анадолу.

Ердоган зборуваше на програмата за доделувањето на наградите „Неџип Фазил“ што синоќа се одржа во Културниот центар Ататурк во Истанбул и во таа прилика се осврна на петочниот инцидент, конкретно одложувањето на натпреварот на Суперкупот на Туркије меѓу Фенербахче и Галатасарај, што требаше да се одигра на стадионот „Ал- Авал“ во Ријад, Саудиска Арабија.

„Сакаме турскиот спорт, особено фудбалот, да биде во прв план по успесите, а не по дебатите. Од каква било причина, злоупотребата на спортот во дневнополитичко препукување е погрешно и не е од корист за нашиот спорт“, рече Ердоган.

Тој подвлече дека очекува сите клубови вистински да го прифатат духот на фер-плеј, претставувајќи го мирот, солидарноста и соработката во спортот.

„Не сме се двоумиле ниту ќе се двоумиме во иднина да преземеме чекори што се потребни“, нагласи Ердоган и додаде: „Не можеме да дозволиме настанатиот инцидент да се извлекува од контекст и да се користи како материјал за шоу и провокација“.

Раководството на Фудбалскиот сојуз на Туркије и клубовите Фенербахче и Галатасарај официјално соопштија во петокот дека натпреварот на Суперкупот на Туркије, што требаше да се одигра во Ријад, е одложен поради организациски проблеми.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).