ИСТАНБУЛ (АА) – Откако американската пејачка Тејлор Свифт ја објави својата поддршка за кандидатката за претседател од редот на демократите, Камала Харис, на претседателските избори во Соединетите Американски Држави што ќе се одржат на 5 ноември, стотици илјади луѓе ја посетија американската веб-страница „vote.gov“, која обезбедува за јавноста официјални информации за изборите, јавува Анадолу.
Според Администрацијата за општи услуги (GSA), набргу откако Свифт ја објавила нејзината поддршка за Харис, веб-страницата vote.gov доживеала значителен број посети.
Според портпаролот на Администрацијата за општи услуги, 337.826 луѓе ја посетиле страницата за информации за гласачите откако Свифт ја објавила својата поддршка во вторникот.
Тејлор Свифт во вторникот на својот инстаграм-профил, по првата дебата во живо меѓу републиканскиот кандидат Доналд Трамп и Камала Харис, објави дека ќе гласа за Харис и нејзиниот кандидат за потпретседател Тим Волц.
Укажувајќи на опасностите од вештачката интелигенција, Свифт истакна дека одлучила јавно да ја објави својата поддршка за Харис откако Трамп изјави дека Харис ја добила нејзината поддршка со споделување фотографија од неа генерирана од вештачката интелигенција.
Објавата на Свифт на Инстаграм за поддршка на Харис досега доби над 10 милиони лајкови.
Извор: Anadolu Agency (AA)
