Вкупната должина на двонасочниот гасовод низ двете земји ќе биде 170 километри, а поголемиот дел од гасоводот, односно 109 километри ќе бидат на српска територија. Гасниот интерконектор, кој ќе се протега од Нови Искар кај Софија до Ниш, ќе има капацитет од 1,8 милијарди кубни метри гас годишно
Денеска официјално почнуваат работните активности за изградбата на гасниот интерконектор помеѓу Србија и Бугарија. Изградбата на гасоводот ќе почне на бугарска територија, а на свечената церемонија по повод отпочнувањето на градежните работи ќе присуствуваат српскиот претседател Александар Вучиќ и неговиот бугарски колега Румен Радев.
Вкупната должина на двонасочниот гасовод низ двете земји ќе биде 170 километри, а поголемиот дел од гасоводот, односно 109 километри ќе бидат на српска територија. Гасниот интерконектор кој ќе се протега од Нови Искар кај Софија до Ниш ќе има капацитет од 1,8 милијарда кубни метри гас годишно.
Вкупната вредност на гасниот интерконектор Ниш – Димитровград – Бугарија, според проценката на Европската инвестициска банка (ЕИБ), е 85,5 милиони евра, од кои ЕИБ дава 25 милиони евра во форма на заем, 49,6 милиони е неповратно кофинансирање од ЕУ и ИПА-фондовите, додека остатокот ќе бидат трошоци што ќе се покриваат од буџетот на Србија и сопствени средства на ЈП „Србијагас“.
Гасната интерконекција меѓу Србија и Бугарија ќе биде подготвена за оперативна работа во средината на тековнава година.
ИЗВОР: 360stepeni.mk
