Холивудскиот актер Вал Килмер почина на 65-годишна како последица од пневмонија во Лос Анџелес, потврди за Њујорк Тајмс неговата ќерка, актерката Мерцедес Килмер.
Килмер со години се бореше со ракот на грлото, кој му беше дијагностициран во 2015 година. Роден и израснат во долината Сан Фернандо, тој се прослави како Том во „Ледениот човек“, како Казански во филмот „Топ Ган“ од 1986 година, глумејќи покрај Том Круз.
Неговата филмографија вклучува незаборавни улоги како Док Холидеј во Tombstone од 1993 година, Џим Морисон во The Doors од 1991 година и како Бетмен во Бетмен засекогаш од 1995 година.
Во текот на неговата кариера, тој соработуваше со големи режисери, играјќи различни ликови – од помошникот на Роберт де Ниро во филмот „Жештина“ во 1995 година, до криминалецот Сајмон Темплар во „Светецот“ во 1997 година. Критичарите често го рангираа меѓу најталентираните американски актери. Тој беше во брак со британската актерка Џоан Воли од 1988 до 1996 година, а покрај ќерката го доби и синот Џек, исто така актер.
ИЗВОР: racin.mk
