Mузичарот Костадин Икононов – Коце, гитаристот на култните македонски групи „Безимени“ , „Бис-Без“ и „Мањифико“ и долгогодишен член на Ревискиот оркестар на МРТ, почина вчера во Скопје по кусо боледување. Имаше 78 години. Икономов важи за еден од основоположниците на македонската рок-сцена.
Роден во 1946, музиката ја засакал од мал, па по завршувањето на основното училиште се запишал во средно музичко училиште. Студирал медицина на желба на неговата мајка, но никогаш не работел како лекар.
Бил гитарист и клавијатурист во групите „Безимени“ и „Бисери“ од кои подоцна настана групата „Бис-Без“, и е еден од основачите на оваа група. Тој беше еден од вокалите и гитарист на легендарната група „Мањифико“.
Иконов работел и како композитор и аранжер. Тој му беше чичко на Апостол Икономов – Коце, пејачот на групата „Меморија“.
М. ЏАРОВСКА
ИЗВОР: sdk.mk
