Почина француската поп икона Франсоаз Арди

June 12, 2024
2 mins read

Франсоаз Мадел Арди, француската кантавторка чиј меланхоличен глас, сензуална убавина и чувство за стил ја направија меѓународна сензација во нејзините тинејџерски години, одушевувајќи ги модните дизајнери и познатите музичари како Боб Дилан и Дејвид Боуви, почина на 80-годишна возраст.

Веста за смртта на поп-иконата ја објави нејзиниот син, пејачот и гитарист Тома ДуТронк, на Instagram во средата. Таа боледувала од рак, кој ѝ бил дијагностициран во 2004 година.

Позната по нејзините меланхолични балади, таа го симболизира француското поп движење Yé-yé, таканаречено по нејзината наклонетост кон англиската музика.

Меѓу нејзините најпознати песни се „Tous les garçons et les filles“, „Comment te dire adieu“ и „Mon amie la rose“. Нејзиниот најголем британски хит беше „All Over The World“, англиска верзија на нејзината песна „Dans le monde entier“, која достигна 16-то место на топ листите во јуни 1965 година.

Арди е родена во Париз под нацистичката окупација во 1944 година, а ја израснала нејзината мајка. Како и многу девојки во тоа време, растела слушајќи ги Елвис Присли, Клиф Ричард и други американски и британски ѕвезди на Радио Луксембург, а на само 17 години го потпишала својот прв договор за снимање.

Го оствари својот музички пробив во 1962 година со едноставната тажна песна „Tous les garçons et les filles“, кога пееше за сите момчиња и девојчиња кои одат рака под рака, додека таа „одеше сама по улиците“. Беше инстант-хит во Франција и се најде на топ листите во Велика Британија.

Нејзиниот стил ги освои модните дизајнери, станувајќи модел за Ив Сен Лоран и Пако Рабан, кои за неа дизајнираа мини фустан од минјатурни златни плочки.

Фронтменот на британските рокенрол икони Rolling Stones, Мик Џегер еднаш ја нарече „идеална жена“, додека легендарниот Боб Дилан ѝ напиша неколку љубовни писма и ѝ посвети песна на задната страна на неговиот албум „Ather Side of Bob Dylan“ од 1964 година.

Дејвид Боуви, пак, изјави дека е „многу страсно вљубен од далечина“ во неа, додека култниот кантавтор Ник Дрејк, кој почина прерано, извесно време се пресели во Париз поради неа.

Во текот на нејзината кариера, таа соработуваше со голем број уметници, меѓу кои Блур и Иги Поп.

Арди беше и актерка – појавувајќи се во филмови на режисери како Жан-Лук Годар, Роже Вадим и Џон Франкенхајмер.

Се занимаваше и со пишување фикција и публицистика. Меѓу темите за кои пишуваше била и астрологијата, за која развила љубов во текот на 1970-те.

Еднаш беше во брак, со пејачот Жак ДуТронк, со кој го доби синот Тома. Тие се разведоа на крајот на осумдесеттите, но таа често го нарекуваше својот поранешен сопруг љубовта на нејзиниот живот.

Нејзината кариера траеше повеќе од пет децении, во текот на кои објави речиси 30 албуми. Нејзиниот последен албум, „Personne D’Autre“, беше објавен во 2018 година.

Американскиот музички магазин The Rolling Stone ја смести на 162 место на својата листа на 200 најдобри пејачки на сите времиња објавена во 2023 година.

Меѓу оние кои ѝ оддадоа почит по веста за нејзината смрт беше и француската министерка за култура Рашида Дати, која на социјалните мрежи напиша: „Како да се збогуваме со неа? Вечната Франсоаз Арди, легенда на француската песна, која преку нејзината чувствителност и мелодии влезе во срцето на целата земја“.

Извор: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

САД и Франција: Македонија да се придржува до меѓународните обврски

Следно

Шкотите не ѝ се плашат на Германија

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop