Административните региони Хонгконг и Макао ја следат кинеската политика на нулта толеранција за коронавирусот во последните три години. Хонгконг почна да ги укинува рестриктивните мерки минатата година, но обврската за носење маски е во сила од 2020 година
Хонгконг ќе стави крај на барањето за носење маски во борбата против коронавирусот, рече главниот извршен директор на регионот Џон Ли во обид да привлече посетители и инвестиции и да го врати нормалниот живот повеќе од три години по наметнувањето строги правила.
Укинувањето на барањето за носење маски во Хонгконг ќе стапи во сила од среда, 1 март, рече Ли на брифингот со новинарите. Специјалниот административен регион Хонгконг е едно од последните места во светот каде што носењето маски е сè уште задолжително.
Административните региони Хонгконг и Макао ја следат кинеската политика на нулта толеранција за коронавирусот во последните три години. Хонгконг почна да ги укинува рестриктивните мерки минатата година, но обврската за носење маски е во сила од 2020 година.
„Сметаме дека ова е најдобро време да се донесе оваа одлука. Тоа е јасна порака што покажува дека Хонгконг се враќа во нормала“,
рече Ли.
Во местата со висок ризик, како што се болниците, менаџерите можат да одлучат дали да бараат од персоналот и посетителите да носат маски, додаде тој.
Соседниот специјален административен регион Макао најави укинување на обврската за носење маски на 26 февруари за сите локации освен јавниот превоз, болниците и уште неколку места. Од жителите на Кина не се бара да носат маски на отворено, иако властите ги охрабруваат да го прават тоа во јавни затворени простори како што се аеродромите и железничките станици.
Извор: 360stepeni.mk
