ОРСК (АА) – Најмалку три лица загинаа од пукањето на брана во руската област Оренбург, каде претходно оваа недела е прогласена вонредна состојба поради пролетните поплави, известува Анадолу.
Повеќе од 4.000 луѓе се евакуирани од поплавените подрачја откако во петокот во рускиот регион Оренбург пукна брана. Локалните власти објавија дека несреќата се случила среде сезоната на топењето на ледот.
Александар Куренков, рускиот министер за вонредни состојби денес пристигна во областа Оренбург.
Локалните официјални лица објавија дека од поплавите се погодени повеќе од 4.200 куќи и близу 11.000 жители.
„Евакуиравме 4.208 луѓе од кои 1.019 се деца“, објави канцеларијата на регионалниот гувернер Денис Паслер.
Во соопштението се вели дека во пограничниот регион на Казахстан се поплавени околу 2.500 домови.
„Евакуираните луѓе се пренасочуваат во центрите за привремено сместување“, рече Паслер и вети финансиска помош за луѓето.
Големи поплави настанаа само ден откако во петокот пукна браната во гардот Орск, која се наоѓа на самата граница со Казахстан.
Според информациите на регионалните власти, делумното урнатата брана проектирана е за ниво на водата на регионалната река Урал од 5,5 метри, а моменталното ниво изнесува 9,6 метри.
Во 31 округ во регионот се блокирани дури 47 мостови и 106 патни делници, а во 12 населби е прекинато снабдувањето со електрична енергија.
