По најавите за намалување на температурите и можни врнежи од снег од 04.00 часот утринава, кризниот штаб на општината заедно со ЈКП Гази Баба се на терен.
На коловозите во населените места Црешево, Булачани, Раштак, Смилковци и Виниче кои се во повисокиот дел на општината е фрлено сол и ризла со цел да се овозможи непречено одвивање на сообраќајот.
– Општина Гази Баба е подготвена да се справи со сите предизвици кои ги носи зимскиот период. Им благодарам на членовите на кризниот штаб и ЈКП Гази Баба за нивната посветеност во насока на обезбедување на нормално функционирање на сите делови од општината за време на зимскиот период. Склучивме сојуз со граѓаните и наша обврска е да создадеме услови за граѓаните да можат непречено да ги реализираат своите обврски, информира градоначалникот Бобан Стефковски.
ИЗВОР: skopjeinfo.mk
