Словенечката претседателка нагласи дека верува оти С Македонија има знаење и потенцијал да се приклучи на патот кон ЕУ, а Словенија како и досега ќе остане нејзин важен партнер во насока на имплементација на европските реформи и на патот кон Унијата. Како човек кој добро го познава обемот на приближување на законодавството на Европа, рече Наташа Пирц Мусар, морам да кажам дека не е лесно
Искрено, посакувам и се надевам дека ќе имате доволна политичка мудрост и дека ќе го промените Уставот.
Ова за време на денешната посета на Скопје го порача претседателката на Словенија, Наташа Пирц Мусар, велејќи дека од исклучителна важност е политичарите во земјава да сфатат колку е важно единството и да се придвижат неколку чекори чекори напред за да сфатат што е добро за Северна Македонија и за македонскиот народ.
Како човек кој добро го познава обемот на приближување на законодавството на Европа, рече словенечката претседателка, морам да кажам дека не е лесно.
„Многупати е тешко да кажам, но и Словенија го помина тој процес – и Словенија мораше да го промени Уставот. Го променивме Уставот во член кој дозволуваше странците да поседуваат и да купуваат имоти. Тогаш во мојата татковина се слушаше како тоа не е добро за словенечкиот народ. Имаше жестоки политички расправи и дебати во тој аспект, но успеавме во тоа бидејќи словенечката политика беше свесна дека треба да бидеме единствени кога треба да реализираме европски проекти што се однесуваат на иднината за Словенија“,
рече словенечката претседателка.
Словенечката претседателка нагласи дека верува оти Северна Македонија има знаење и потенцијал да се приклучи на патот кон Европската Унија, а Словенија, како и досега, ќе остане нејзин важен партнер во насока на имплементација на европските реформи и на патот кон Унијата.
Новонастанатите геополитички околности и приближувањето на Украина и Молдавија кон ЕУ, додаде Пирц Мусар, нема да влијание врз тоа евентуално С Македонија да остане во втор план во однос на евроинтеграциите.
„Македонија е тука во моето срце и на сите државјани и жители на Македонија им гарантирам дека Словенија секогаш ќе се грижи Македонија да ја добие сета помош во однос на приближувањето кон Европската Унија. Иднината на Северна Македонија е во ЕУ и во тоа цврсто верувам“,
додаде претседателката на Словенија.
Претседателот Стево Пендаровски заедничката прес-конференцијата со Пирц Мусар нагласи дека Словенија е важен партнер на земјава при имплементација на европските реформи со години наназад и додаде дека добил уверување од словенечката претседателка оти оваа поддршка ќе продолжи, а дека Словенија ќе остане да биде промотор на македонската европска интеграција.
ИЗВОР: 360stepeni.mk
