Во филмот глумат Хелен Мирен, Пирс Броснан, Бен Кингсли и Селија Имри.
Пирс Броснан прошета по црвениот тепих во друштво на членови на семејството. Синот Дилан Броснан и внуката Изабела Смит позираа со него.
Сите тројца членови на семејството беа облечени елегантно за премиерата на филмот. Двајцата беа во одела, а Изабела беше во долг фустан.
Изабела, која вообичаено не сака да биде во центарот на вниманието, е видена неколку пати со својот дедо на јавни настани. Таа е дете на посвоената ќерка на Пирс, Шарлот, која почина во 2013 година на 41-годишна возраст по борба со рак на јајниците.
Шарлот и нејзиниот брат Кристофер се деца на првата сопруга на Броснан, Касандра, а актерот ги посвоил откако нивниот биолошки татко Дермот Харис починал во 1986 година. Касандра, исто така, починала од рак на јајниците во 1991 година. Пред смртта на Касандра, двојката имала син, Шон, а Пирс има уште две деца, Дилан и Парис, од неговиот втор брак со Кили Шеј Смит.
За филмот „Клубот за убиства во четврток“
Филмот е режиран од Крис Колумбус и е адаптација на истоимениот роман од 2020 година, напишан од британскиот телевизиски водител и продуцент Ричард Осман.
Во главните улоги се Хелен Мирен, Пирс Броснан, Бен Кингсли и Селија Имри, приказната ги следи четирите бестрашни пензионери кои го поминуваат своето слободно време решавајќи нерешени убиства како хоби. Но, она што не го очекувале е дека нивното хоби ќе добие неочекуван и возбудлив пресврт кога ќе се најдат во средината на вистинска мистерија за убиство.
Филмот ќе биде прикажан на Нетфликс на 28 август.
Извор: vecer.mk
