Марија Петрушевска од редовите на ВМРО-ДПМНЕ, во „Дејли Клик“ на ТВ21 го коментираше Договорот со Обединетото Кралство кој предвидува 6 милијарди евра за капитални инфраструктурни инвестиции, и одговори на прозивките на опозицијата дека истиот има коруптивни елементи.
„Тезите или развојот на тезите дека договорот е антиевропски или дека крие некакви замки или биле некаква коруптивна зделка која не се открива е преседан. Британија не склучува договори ос средина каде има коруптивно однесувае. Самиот договор е во постојан дијалог со британската страна и она што е најважно е што е под мониторинг од британска експертиза. Сите овие капитални проекти ќе донесат раздвижување и развој на Македонија“, рече Петрушевска.
Понатаму Петрушевска за нападите од опозицијата додаде дека реториката омекнала, и на крајот се сведол на „лингвистичка проблем“.
„Го критикуваа дека бил антиевропски, за на крајот се сведе на лингвистички проблем“, рече Петрушевска.
ТВ21: Но, вистина е дека ние немаме заменик претседател на државата?
„Вистина е, но станува збор за техничка грешка во политичките системи. Немаат што да критикуваат и критикуваат во овој дел. Вчера заменик министерот за надворешни раобти ги демантираше тие наоди. Една сериозна опозициска партија да талка и да нема став за еден ваков стратешки договор, и да си дозволите да дојдете од антиевропски и на крај да завршите до дебата за техникалии е политички несериозно“, вели Петрушевска.
ИЗВОР: ТВ 21
