АНКАРА (АА) – Најмалку пет медицински работници се убиени во два одделни израелски воздушни напади во петокот во јужен Либан, соопшти Министерството за здравство на земјата, известува Анадолу.
Министерството на палестинската енклава соопшти дека цел на израелскиот напад бил тим на единицата за цивилна заштита на Исламското здравствено здружение во селото Котрани, округот Џезине, во кој животот го загубиле тројца медицински работници, а други тројца се ранети.
Претходно, Министерството објави дека двајца болничари се убиени во израелски воздушен напад врз амбулантно возило во Деир Канун Рас Ал-Аин, во округот Тир.
„Израелските сили продолжуваат бесрамно да ги игнорираат меѓународните закони, обичаи и хуманитарни договори“, се вели во соопштението.
Нападите врз болничарите, болниците и хуманитарните работници се забранети според правилата на војување, но сите се цел на израелските офанзиви врз Газа, Западниот Брег и Либан.
Израел започна голема воздушна кампања врз Либан против, како што вели, цели на Хезболах по едногодишната прекугранична војна меѓу Израел и либанската група која избувна по бруталната израелска офанзива врз Појасот Газа.
До ескалација на конфликтот дојде на 1 октомври оваа година кога Израел започна копнен напад врз јужен Либан.
Повеќе од 3.500 луѓе се убиени, а околу 15.100 се повредени во израелските напади од октомври минатата година, објавија либанските здравствени власти.
Извор: Anadolu Agency (AA)
