Собранието до доцна синоќа расправаше по петте интерпелации поднесени против четворица членови на Владата и претседателката на собраниската Комисија за социјална политика.
Пратениците во Собранието не ги изгласаа интерпелациите за вицепремиерот и министер за животна средина и просторно планирање, Изет Меџити, вицепремиерот и министер за односи меѓу заедниците Иван Стоиљковиќ, министерот за внатрешни работи Панче Тошковски и заменик-министерот за внатрешни работи Астрит Исени.
Доцна синоќа Собранието расправаше за четирите интерпелации кои ги поднесе Европскиот фронт, но кои не добија поддршка ниту од владејачкото мнозинство, ниту од опозициската СДСМ.
На првата пленарна седница по новогодишниот одмор, беше изгласана само интерпелацијата за претседателката на собраниската Комисија за социјална политика Илире Даути.
Пратениците од опозициската СДСМ на почетокот на седницата најавија дека нема да учествуваат во расправата по интерпелациите бидејќи, според нив, нема потреба од нови поделби по етничка основа. Интерпелациите за четворицата владини функционери не беа поддржани ниту од владејачкото мнозинство.
Извор: 24vesti.mk
