На денешен ден пред точно пет години, животот го загуби еден од најголемите кошаркари на сите времиња, Коби Брајант.
Легендата на светската кошарка загина во хеликоптерска несреќа заедно со уште девет лица, меѓу кои и неговата ќерка Џиана.
Трагедијата се случи утрото на 26 јануари додека хеликоптерот се движеше кон спортската академија на Брајант, каде неговата ќерка требаше да одигра натпревар.
41-годишниот Брајант беше легенда на Лос Анџелес Лејкерс и целиот свој живот како играч им го посвети на „езерџиите“.
„Црната Мамба“ 18 пати беше дел од НБА Ол-Стар викендот, со Лејкерси освои пет шампионски прстени, двапати беше најдобар стрелец на лигата, а во сезоната 2007/08 беше избран за МВП на сезоната.
Извор: kurir.mk
