АНКАРА (АА) – Перу прогласи вонредна состојба на своите граници како дел од напорите за борба против нерегуларната миграција, пренесува Анадолу.
„Одобрен е декрет со кој се прогласува вонредна состојба за пограничните региони Тумбес, Пиура, Кахамарка, Амазонас, Лорето, Мадре де Диос и Такна“, соопшти на прес-конференција претседателката на Перу, Дина Болуарте, јави перуанската новинска агенција Андина.
Оваа одлука ќе овозможи имплементација на операциите на безбедносните сили поврзани со граничната контрола за да се заштитат домашниот поредок и уставните права, рече Болуарте.
„Гледаме дека од ден на ден нашите градови не се далеку од небезбедноста на граѓаните, индивидуалниот или организираниот криминал, криминалните банди, насилството и криминалот што расте“, истакна Болуарте.
