Пентагон: Соборени повеќе беспилотни летала и проектили кои хутите ги истрелаа врз бродови во Црвеното Море

Претходно, бунтовниците хути ја презедоа одговорноста за ракетниот напад врз брод во Црвеното Море и нападот со беспилотно летало кон Израел во знак на солидарност со Газа

Американските воени сили соборија повеќе беспилотни летала и неколку проектили истрелани од јеменските бунтовници хути врз бродови во Црвеното Море, соопшти Пентагон.

„Нема оштетувања на бродови во областа или повредени“,

соопшти Централната команда на Пентагон во објавата на социјалните мрежи.

Тие информираа за уништени 12 беспилотни летала, три ракети за уништување бродови и две ракети за копнени напади во период од 10 часа.

Претходно, бунтовниците хути ја презедоа одговорноста за ракетниот напад врз брод во Црвеното Море и нападот со беспилотно летало кон Израел во знак на солидарност со Газа.

Портпаролот на јеменската армија хути Јахја Сареа, рече дека групата извршила ракетен напад врз трговскиот брод МСЦ Јунајтед во Црвеното Море, откако тој одбил три предупредувачки повици.

Портпаролот, исто така, рече дека групата извршила напади со беспилотни летала врз јужниот израелски град Еилат и „други области во окупирана Палестина“.

Иранските хути, кои контролираат голем дел од Јемен, со недели ја попречуваат светската трговија со напаѓање бродови што минуваат низ теснецот Баб ал-Мандаб во јужниот дел на Црвеното Море, што, како што велат, е одговор на војната во Газа.