реклама
Албанската опозиција, Европскиот сојуз за промени од денеска се состои од четири партии. На коалицијата меѓу Демократското движење, Алтернатива и Движење Беса, како партнер се придружи Движењето за Самоопределување, соопшти, Изет Меџити.
Советникот на косовскиот премиер за Македонија, Беким Ќоку, рече дека причината зошто Самоопределување и помага на албанската опозиција е да донесе промени со цел да исчезнат коруптивните политики и да се елиминира дискриминацијата на Албанците.
реклама
„Ние бевме принудени да станеме дел од оваа промена и се надеваме дека оваа промена ќе дојде. Ги поканувам и другите политички партии, невладиниот сектор, отворена покана испраќам и до АА да им се придружи на овие промени бидејќи и јас како екс член на оваа Алијанса го чувствувам и познавам менталитетот и албанскиот дух на Алијанса и знам дека местото и е тука“, вели Беким Ќоку.
Ова го кажа за време на отворањето на заедничката канцеларија на коалицијата ЕСП на плоштадот Скендербег во Скопје, каде беа и лидерите на Беса и Алтернатива кои рекоа дека е убедени во победа на изборите.
реклама
„Велат дека по секоја темна ноќ доаѓа зора и по секоја зима доаѓа пролет, јас сум убеден дека на 8 мај ќе дојде пролет и за нас Албанците. Да прославиме на 8 мај, ве поканувам, од вечерва на 8 мај овде да прославиме заедно“, порача Африм Гаши.
„Ние нема да бидеме во влада каде симболично ќе се бориме за позиции туку ќе бидеме во влада која ќе им служи на граѓаните со цел РСМ да им служи на граѓаните колку и на Македонците“, порача Биљал Касами.
реклама
Беше најавено дека вакви заеднички канцеларии на коалицијата ЕСП ќе бидат отворени и во други градови.
реклама
