АТИНА (АА) — „Децата, семејствата и старите лица во Газа се доведени до состојба на гладување“, истакна денес папата Лав XIV на неговата инаугуративна миса на плоштадот „Свети Петар“ во Ватикан, пренесува Анадолу.
Заблагодарувајќи им се на околу 200.000 присутни и бројни делегации што претставуваат држави, кралски семејства и други христијански цркви, папата додаде: „Во радоста на верата и заедништвото, не можеме да ги заборавиме нашите браќа и сестри кои страдаат поради војната“, објави Ватиканската новинска агенција.
Во врска со Украина, папата ја нагласи важноста на преговорите за воспоставување праведен и траен мир.
По мисата, папата се сретна приватно со украинскиот претседател Владимир Зеленски, според новинската агенција.
Израелската армија не сопира со својата брутална офанзива врз Појасот Газа која ја почна на 7 октомври 2023 година, во којашто се убиени над 53.300 Палестинци, повеќето од нив жени и деца.
Минатиот ноември, Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.
Израел се соочува и со случај за геноцид пред Меѓународниот суд на правдата за своите воени дејства во енклавата.
Извор: Anadolu Agency (AA)
