ГАЗА (АА) – Откако е објавено дека израелската војска влегла во болницата Шифа во Газа, палестинските власти порачаа дека тоа претставува воено злосторство, јавува Анадолу.
Генералниот директор на Кабинетот за медиуми во Газа, Ислаил ал-Севабите, изјави дека упадот на израелските окупациски сили во болницата Шифа претставува воено злосторство.
„Израел нема да може да докаже дека болницата Шифа е центар за управување со отпорот“, рече Севабите, додавајќи: „Окупаторската армија ќе внесе оружје во болницата, ќе го распореди на одреден начин и ќе фотографира.“
Зборувајќи за активностите и работењето на болницата Шифа, Севабите додаде:
„Пред неколку дена се обративме до сите меѓународни организации и Црвениот крст да ги спасат ранетите во болничкиот комплекс, но тие одбија да одговорат и ја презедоа одговорноста за тоа што се случува, застанувајќи на страната на целите на окупацијата“, рече Севабите.
Израелската Армија објави дека започнала воена операција против дел од медицинскиот центар Шифа во Појасот Газа.
Министерството за здравство во Газа потврди дека информацијата за почетокот на операцијата била проследена до болницата Шифа.
Официјални лица и пациенти кои учествуваа во телефонските разговори во живо на телевизијата Ал Џезира од болницата Шифа рекоа дека чекаат израелските војници да влезат на катовите каде што се сместени медицинскиот персонал и пациентите.
