ИСЛАМАБАД (АА) – Пакистанскиот премиер Шехбаз Шариф денес рече дека се преземаат чекори на приоритетна основа за зголемување на обемот на трговската размена помеѓу Пакистан и Туркије на 5 милијарди долари годишно, јавува Анадолу.
Во разговор со турската делегација на инвеститори во неговиот кабинет во Исламабад, предводена од министерот за трговија и царина Омер Болат, премиерот Шариф рече дека Исламабад и Анкара веќе се договориле да го зголемат обемот на трговската размена од моментното ниво на 5 милијарди долари годишно.
„Пакистан и Туркије се две земји, но една нација бидејќи народот на Пакистан и Туркије имаат идеални братски односи што егзистираат наназад со векови“, нагласи Шариф во официјалното соопштение објавено на јазикот урду.
Исто така, тој ја поздрави делегацијата и им наложи на пакистанските власти да им обезбедат на инвеститорите секакви погодности за инвестирање во Пакистан.
Тој додаде дека неговата Влада сака да ги унапреди трговските односи меѓу двете земји.
„Со турскиот претседател Реџеп Таип Ердоган беше договорено зголемување на обемот на трговската размена меѓу Пакистан и Туркије од сегашното ниво на 5 милијарди долари годишно“, изјави премиерот Шариф пред делегацијата.
Тој, исто така, ја повтори својата покана до турскиот претседател наскоро да го посети Пакистан и рече дека „Пакистанците ја чекаат посетата на турскиот претседател Реџеп Таип Ердоган на Пакистан“.
Сегашниот обем на инвестиции на 54 турски компании во Пакистан е 3,5 милијарди долари, се додава во соопштението.
Извор: Anadolu Agency (AA)
