Џуд Ло го игра рускиот претседател Владимир Путин во новиот политички трилер „Волшебникот од Кремљ“ и вели дека не е загрижен за реакцијата на рускиот лидер.
Џуд Ло го игра рускиот претседател Владимир Путин во новиот политички трилер „Волшебникот од Кремљ“ чија премиера е на Филмскиот фестивал во Венеција и вели дека не е загрижен за реакцијата на рускиот лидер.
„Се надевам дека не сум наивен, но не се плашам од последиците“, рече 52-годишниот актер на прес-конференција во Венеција.
Филмот се натпреварува за Златниот лав
„Волшебникот од Кремљ“, од францускиот режисер Оливие Асајас, се натпреварува со уште 20 филмови за Златниот лав.
Во филмската адаптација на романот, Асајас го опишува искачувањето на Путин на позицијата руски претседател. Приказната е раскажана од перспектива на млад советник, кој го игра Пол Дејно. Советникот е измислен лик, но се верува дека е базиран на реалниот руски политичар Владислав Сурков.
„Се чувствував уверен во рацете на Оливие и неговото сценарио дека оваа приказна ќе биде раскажана интелигентно, слоевито и внимателно“, рече Ло.
„Не баравме контроверзии заради контроверзии. Тоа е лик во поголема приказна. Не се обидувавме да дефинираме ништо“, додаде тој.
Многу се подготвувал за улогата
Во подготовка за улогата, Ло рече дека „се заклучил во глувчешка дупка“ и проучувал обемни видео снимки. Најголемиот предизвик беше тоа што јавните појавувања на Путин откриваат малку за тоа кој е тој навистина, истакна тој.
Кога го прашаа дали улогата му донесе нешто позитивно, актерот рече:
„Научив џудо“.
Рускиот претседател Владимир Путин е познат како обожавател на оваа боречка вештина.
Извор: vecer.mk
