Османи во улога на претседавач со ОБСЕ повика да се смират тензиите на северот на Косово

May 26, 2023
1 min read

Министерот, кој годинава е и претседавач со ОБСЕ, апелира дека во овој момент од клучно значење е да се зачува мирот и стабилноста и вели дека во најскоро можно време ќе иницира посета на Митровица

Министерот за надворешни работи, Бујар Османи, во улога на претседавач со ОБСЕ повика да се деескалира состојбата и да се смират тензиите на во општините со мнозинство српско население на северот на Косово.

„Како претседавач со ОБСЕ повикувам на деескалација и смирување на тензиите. ОБСЕ е подготвена да понуди помош. Мисијата на ОБСЕ во Косово го има кредибилитетот и довербата помеѓу граѓаните и институциите да пружи поддршка. Од клучно значење е да се зачува мирот и стабилноста“,

напиша на Твитер министерот Османи кој денеска беше во посета токму на Косово.

Тој додава и оти во најскоро можно време ќе иницира посета на Митровица.

Денешните тензии на северот на Косово избувнаа во општините Звечан, Лепосавиќ, Косовска Митровица и Зубин Поток каде новите градоначалници требаше да ја преземат функцијата.

Во сите општини нешто пред пладне се слушнале сирени за опасност со кои граѓаните биле повикани да се соберат пред општинските згради за да спречат градоначалниците да влезат во општинските згради поради што дојде до судир помеѓу населението и косовските безбедносни сили.

Покрај косовската полиција, на терен забележливо е и присуството на припадници на ЕУЛЕКС, и КФОР.

Локалните избори во четири општини на северот на Косово – Северна Митровица, Лепосавиќ, Зубин Поток и Звечан се одржаа на 23 април. Србите, кои се мнозинство, ги бојкотираа, па од над 45 000 граѓани со право на глас, излегоа само 1 567 гласачи или 3,47 отсто. Официјален Белград не ги признава резултатите од одржаните избори, за кои вели дека се антидемократски и нелегитимни.

Извор: 360stepeni.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

(ВИДЕО) Десетина повредени во конфликтот меѓу полицијата и граѓаните во Звечан, барикади во Лепосавиќ

Следно

Работната група ја усвои предлог-иницијативата за уставни измени – на ред е Владата да ја проследи до Собранието

Latest from Blog

Фото: Александра Пријовиќ за прв пат во јавноста по породувањето

Ѕвездата на регионалната музичка сцена присуствуваше на свадбата на својот колега, српскиот пејач Урош Живковиќ, во Белград, каде што блесна во елегантен фустан и привлече големо внимание од присутните. За оваа свечена

Нерешеното станбено прашање на Европа

Секој Европеец што во последниве години морал да се пресели веројатно се нашол сред истиов кошмар: Куќите и кириите се сè поскапи, сметките за комуналии се сè повисоки, а пазарната понуда на

Супермаркетите во Грција ги симнуваат цените на 2.180 производи по интервенција на Владата

Ова го објави генералниот директор на Сојузот на супермаркетите во Грција, Апостолос Петалас, по состанокот со министерот за развој, Такис Теодорикакис, јави агенцијата АНА-МПА. Иницијативата потекнува од Министерството за развој, а нејзината

Николоски: По локалните избори нема предвремени парламентарни, ќе има одговорност за злоупотребите

Вицепремиерот и министер за транспорт и врски, Александар Николоски, изјави дека по локалните избори нема да се одржат предвремени парламентарни избори, истакнувајќи дека Владата е стабилна и ќе го реализира целиот мандат
Go toTop