Османи: Подготвителната седница е продолжување на процесот на укинување на Законот за јазиците

December 11, 2024
1 min read

Потпретседателот на Демократската Унија за интеграција (ДУИ), Бујар Османи изрази несогласување со одлуката на Уставниот суд да одржи подготвителна седница за иницијативите за оценување на уставноста и законитоста на Законот за употреба на јазиците.

Во изјава за медиуми по денешната одлука на Уставниот суд, на која не беа присутни судиите Осман Кадриу и Насер Ајдини, а судијата Фатмир Скендер одлучи да не присуствува на расправата по оваа точка, Османи истакна дека е недозволиво во мултиетничка држава највисокиот орган да одржува седници со моноетнички состав, особено на чувствителни теми.

– Како легитимни претставници од последните претседателски и парламентарни избори во име на албанскиот народ, прво сакаме да го осудиме продолжувањето на седницата на Уставниот суд со моноетнички состав. Пораката на тројцата уставни судии од етничките заедници со нивното неприсуство беше доволен сигнал за да прекине седницата веднаш, изјави Османи.

Тој додаде дека во име на албанскиот народ ја одбива секоја одлука којашто значи продолжување на процесот на укинување на Законот за употреба на јазиците. 

– Единствената праведна одлука којашто требаше Уставниот суд денеска да ја донесе е да ги отфрли сите 13 иницијативи и да се затвори ова прашање. Закажувањето на подготвителни седници е само продолжување на процесот на укинување на Законот за јазици, нагласи Османи.

Според него, ова не е само кауза за албанскиот јазик, туку и за заштита на мултиетничка европска Македонија. 

– Очекуваме поддршка од сите етнички заедници за да ги изолираме силите кои наместо да градиме на тоа што досега го изградивме кон една просперитетна европска толерантна мултиетничка Северна Македонија, не враќаат 20 години наназад, додаде тој.

Потврди дека ќе продолжат со отпорот кон, како што рече, укинување на албанскиот јазик и кон еднаквоста, и најави дека народот ќе биде присутен кога Уставниот суд ќе ја продолжи седницата за оценување на уставноста.

Уставниот суд на Северна Македонија денеска одлучи да одржи подготвителна седница за расправа по иницијативите за оценување на уставноста и законитоста на Законот за употреба на јазиците. На наредниот работен состанок ќе се разгледуваат предлозите за спорни прашања и учесниците во расправата.

Законот за јазиците е предмет на 13 иницијативи од различни граѓани, партии и здруженија. Уставниот суд може да ги отфрли, поведе постапка, времено запре примена или прати законот на доработка во Парламентот. 

Подносители се ВМРО-ДПМНЕ, Левица, „Светски македонски конгрес“, Солза Грчева, Тања Каракамишева Јовановска, Јове Кекеновски, Васко Лазески, Ивана Митевска, Томе Тодоровски, Клементина Брзановска и Владимир Стефановски. 

Уставниот суд го сочинуваат девет судии: шест Македонци, двајца Албанци и еден Турчин.

Извор: 24vesti.mk

VERO JUMBO MACEDONIA

EVN MACEDONIA

MARKETING

Претходно

Инзаги за поразот на Интер од Баер: Не одигравме на ниво

Следно

Над 200 илјади граѓани во Хрватска имаат блокирани сметки

Latest from Blog

ВМРО-ДПМНЕ со двојно поголема поддршка од СДСМ во најновата анкета

Најновата анкета на јавното мислење, објавена вечерва на Македонската радио-телевизија во пресрет на локалните избори, покажува дека владејачката ВМРО-ДПМНЕ има повеќе од двојно поголем рејтинг во однос на СДСМ. На прашањето за

Венс за Чарли Кирк: Тој е најпаметниот политички оперативец што сум го запознал – му должам многу!

Американскиот потпретседател Џ.Д. Венс, кој денес е водител на „Шоуто на Чарли Кирк“ во спомен на починатиот американски патриот, кој беше застрелан минатата недела, рече дека „заменува некого кој не може да

Стаменкоска Трајкоска: Подготвени сме за победа – за наша Кисела Вода!

Кандидатката за градоначалник на општина Кисела Вода Бети Стаменкоска Трајкоска, беше на кафе-дружба со носителката на советничката листа, Светлана Колариќ, претседателот на ОК, Иван Живковски, и идните советници од коалицијата „Твоја Македонија“.

Доделувањето на „Еми“ беше преместено поради Бијонсе, таа воопшто не се појави

И покрај шпекулациите дека 44-годишната пејачка и нејзиниот сопруг Џеј-Зи ќе присуствуваат на церемонијата што се одржа во театарот Peacock во Лос Анџелес, славната двојка на крајот го пропушти настанот. И таа
Go toTop